2010-07-05
Fest sie raduja - czyli Barbara Politaj o sobie i po naszymu :)
Barbara Politaj, rudzianka, mieszkanka Bykowiny, została laureatką konkursu literackiego na utwór napisany w języku śląskiem i przeznaczony dla dzieci, ogloszonego przez Towarzystwo Piastowania Śląskiej Mowy Danga. Redakcja magazynu „Twoja Ruda Śląska” poprosila ją o wypowiedź!
Miyszkóm we Rudzie Ślonski już prawie 22 lata, nale pochodza ze Świyntochłowic. Tu my sie na Ruda przekludziyli, kej mój ślubny dostoł miyszkanie ze gruby. Jako że chop był tradycjonalista, to uwożoł, że kobiyta górnika noleży sie w doma matkować dzieckom, zadbać ło dom, a łon przirobi, coby nom niczego niy brakło. Toż i tako łostało. Moje piyrsze wierszyki szkryflałach już jako szkolorz, nale w jynzyku literackim, do - jak sie to godo - „szuflodki”, a były łone yno dlo mie. Tak richtig zaś zaczłach szkryflać, kej zostałach zaproszono na forum Ruda Ślonsko nagrodzono Notgeldym na portalu Nasza Klasa, bez Bronka Wątroba.
Powiym, ze najsamprzód sie prziglondałach, jak tam te ludki szkryflajom, bo tak po prowdzie ciynżko sie szkryflo po ślonsku, kej jynzyk niy ma jeszcze skodyfikowany, a i kożdy inakszy to widzi i inakszy z domu nauczony godać. Na tym forum Bronek tyż dowoł nom znać ło roztomajtych konkursach po ślonsku, kaj sie odbywajóm. Sóm tyż takowe organizowoł. Mojim piyrszym debiutym było zajyncie trzeciego miejsca we konkursie Sowizdrzoła Konkurs Fraszki, a we drugim łostałach wyróżniono. Potym zostałach dwa razy laureatkom Konkursu Barbórkowego, patronowanego bez „Wiadomości Rudzkie”.
Dyć wielgom uciechom była tyż dlo mie nagroda za wiersz „Gowiedź miastowo”, kero przyznali mi we Jastrzymbiu na V Festiwalu Kultury Ślonski. Przeprowadzony na portalu Nasza Klasa plebiscyt Pszociel Ślonski Godki ze głosowaniym klasowiczów okozoł sie sukcesym; znodłach sie we tyj nagrodzonyj piontce. Niydowno Zwionzek Górnoślonski Halymba prziznoł mi odznaka Pszociel Ślonski Godki, we stopniu bronotnym.
No, a terozki fest sie raduja! We konkursie „Piszymy dlo dziecek”, przeprowadzonym przez Stanisława Neblika na Naszyj Klasie, we łosobny łocynie, podug Towarzistwa Piastowanio Ślónskij Mowy ”Danga”, zdobyłach piyrwe miejsce za opowiadanie - bojka „Marijanka i Achimek”, A teksty wybiyrali: prezes „Dangi”- Józef Kulisz i wiceprezes - Grzegorz Wieczorek, z pómcóm znajómych rechtorów.
Cóż wom jeszcze powiym. Mom dwie cery modszo robi i sztudiruje zocznie. Starszo jest na swojim a kej idzie do roboty to jo zajmuja sie jeji cereczkom a mojom wnusiom Wiktoriom. Miyszkom w Rudzie Ślonski, we dzielnicy Bykowina.
Powiym, ze najsamprzód sie prziglondałach, jak tam te ludki szkryflajom, bo tak po prowdzie ciynżko sie szkryflo po ślonsku, kej jynzyk niy ma jeszcze skodyfikowany, a i kożdy inakszy to widzi i inakszy z domu nauczony godać. Na tym forum Bronek tyż dowoł nom znać ło roztomajtych konkursach po ślonsku, kaj sie odbywajóm. Sóm tyż takowe organizowoł. Mojim piyrszym debiutym było zajyncie trzeciego miejsca we konkursie Sowizdrzoła Konkurs Fraszki, a we drugim łostałach wyróżniono. Potym zostałach dwa razy laureatkom Konkursu Barbórkowego, patronowanego bez „Wiadomości Rudzkie”.
Dyć wielgom uciechom była tyż dlo mie nagroda za wiersz „Gowiedź miastowo”, kero przyznali mi we Jastrzymbiu na V Festiwalu Kultury Ślonski. Przeprowadzony na portalu Nasza Klasa plebiscyt Pszociel Ślonski Godki ze głosowaniym klasowiczów okozoł sie sukcesym; znodłach sie we tyj nagrodzonyj piontce. Niydowno Zwionzek Górnoślonski Halymba prziznoł mi odznaka Pszociel Ślonski Godki, we stopniu bronotnym.
No, a terozki fest sie raduja! We konkursie „Piszymy dlo dziecek”, przeprowadzonym przez Stanisława Neblika na Naszyj Klasie, we łosobny łocynie, podug Towarzistwa Piastowanio Ślónskij Mowy ”Danga”, zdobyłach piyrwe miejsce za opowiadanie - bojka „Marijanka i Achimek”, A teksty wybiyrali: prezes „Dangi”- Józef Kulisz i wiceprezes - Grzegorz Wieczorek, z pómcóm znajómych rechtorów.
Cóż wom jeszcze powiym. Mom dwie cery modszo robi i sztudiruje zocznie. Starszo jest na swojim a kej idzie do roboty to jo zajmuja sie jeji cereczkom a mojom wnusiom Wiktoriom. Miyszkom w Rudzie Ślonski, we dzielnicy Bykowina.
Wysłuchał: Adam Podgórski
+ dodaj swoją ocenę...
- OGŁOSZENIA
- >>>WALENTYNKOWY KULIG 14.02.2012 - ATRAKCYJNA CENA+ROMANTYCZNA ATMOSFERA<<<
- Dołącz do Oriflame - zarabiaj jako konsultantka!
- ORIFLAME - Zostań Konsultantką/Konsultantem
- Do sprzedaży kolorowanek dla dzieci
- Połącz pracę z przyjemnością
- Pilnie kupię zadłużoną spółkę
- dodatkowa dochodowa praca
- Opiekunka osób starszych. Pewna i legalna praca w Niemczech
- Praca dodatkowa dla kobiet
- Bądź niezależną konsultantką Oriflame! teraz wpisowe 1 zł !
- Praca dorywcza a nawet stała
- Pożyczki pod zastaw nieruchomości - korzystne
Dodaj komentarz
zgłoś nadużycie Martin, Utworzony: 2010-07-21 22:28:32
rob tak dali bos je dobrowe tyj naszyj godce
Fleguj jom dali tak jak poradzisz
ty jom pszeca nigdy niy zdradzisz!!!
zgłoś nadużycie broneknotgeld, Utworzony: 2010-07-21 15:13:48
Niych w wiyrch idzie naszo godka.
zgłoś nadużycie NIANIA, Utworzony: 2010-07-08 20:52:10
zgłoś nadużycie niania, Utworzony: 2010-07-08 20:50:59
zgłoś nadużycie monia, Utworzony: 2010-07-07 10:16:25